"Тасарық негізгі мектебі" КММ-сінің мектеп ұжымы.

2019-2020 оқу жылының 3-12 ақпан аралығында өткізілген

«Өзін-өзі тану»: Махаббат пен Сүйіспеншілік педагогикасы» тақырыбындағы онкүндіктің қорытынды есебі

Біз XXI-ші ғасырда, адам санасының шарықтап дамыған уақытында өмір сүру мүмкіндігін алып отырмыз. Бұл бізден осы заманның сұранысы мен талабына сай білімді, рухани байлықты қажет етеді. Баланың жеке тұлға ретінде үйлесімді қалыптасуы мен дамуы өзін-өзі тани білгенде ғана жүзеге аспақшы. Осы орайда көптеген жылдар бойы аналық жүрек жылуын бала өміріне арнап келе жатқан Сара Алпысқызының авторлығымен енгізілген «Өзін-өзі тану» адамгершілік-рухани білім беру бағдарламасының маңыздылығын және сырлы әлемге толы дүние екендігін баршаға таныту мақсатында 2020 жылы 3 ақпанда Тасарық негізгі мектебінде «Өзін-өзі тану»: Махаббат пен Сүйіспеншілік педагогикасы» онкүндігінің жалпы мектептік салтанатты ашылу жиыны өткізіліп, онкүндік бойынша іс-шараның жоспарымен таныстырылды. Мектеп директоры Р.Б.Турлин  сөз сөйлеп, оқушыларды әдептілікке, сыпайылыққа, сыйластыққа, қамқорлыққа, татулыққа, сүйіспеншілікке, махаббатты бағалай білуге, жақсылық жасауға, адамгершілікке, достық, татулық, мейірімділікке шақыра отырып, онкүндіктің жақсы деңгейде өтуіне сәттілік тіледі. 2-шы және 7-ші сынып оқушылары шағын концерт дайындап, оқушыларға арнап бағдарламаның негізін қалаушы Сара Назарбаева туралы бейнебаян тамашаланды.

Дәстүрлі онкүндікті ұстаздар, оқушылар үлкен қуанышпен қарсы алды.

Онкүндіктің мақсаты: Өзін-өзі тану пәнінің авторы С.А.Назарбаеваның еңбегін таныту, оқушылардың бойына рухани-адамгершілік қасиеттерді дарыту, ұлттық және жалпы адами құндылықтарды дамыту, өзара келісім мен  өзара түсіністікке баулу, мейірімділік пен  адамзатқа деген сүйіспеншілікті  қалыптастыру.

4 ақпанда «Мейірім төгетін ана» тақырыбында кітап көрмесі жасақталып, онда мектеп кітапханашысы Турганбаева Асемжан Қуралбековна ұйымдастырылуымен өзін-өзі тану туралы мағлұмат алатын «Самопознание kz», «Өзін-өзі тану» журналдарының топтамасы «Мен АДАММЫН», «Тағылым», «Қазақтардың дүниетанымы» С.Назарбаеваның еңбектері т.б өзін-өзі тану негізінде, баланың адамгершілік – рухани әлеуетін көтеру мақсатында ақпарат көздерімен толықтырылды.

5 ақпан күні оқушылардың дарындылық қабілеттерін ашу бағытында «Махаббат пен сүйіспеншілік» тақырыбымен балалардың шығармашылық сурет көрмесі ұйымдастырылып,өткізілді. Оған балалардың Отан, достық, қайырымдылық, отбасы, табиғат тақырыптарына салынған суреттері жинақталды.Байқау барысында оқушылардың белсенділік танытып, сурет салуға деген қызығушылықтарын арттырды.

Оқушы шығармашылығын жариялау мақсатында 5-7 сынып оқушылар аралығында эссе байқауы ұйымдастырылды. «Рахмет, Анашым!» , «Достық», «Мейірімділік» «Отан» туралы жазған эсселері жинақталды.

11 ақпан күні мектеп тәлімгері Рахимова А.Б. «Жүректен жүрекке» қайырымдылық акциясын ұйымдастырды. «Жүректен жүрекке» атты қайырымдылық қамқорлық акциясының негізгі мақсаты: жас ұрпақтың бойына адамгершілік, ізгілік, қамқорлық, қайырымдылық сияқты асыл қасиеттерді бойына дарыту, мақсатында әлеуметтік жағынан  күнкөрісі төмен отбасыларынан шыққан оқушыларға материалдық көмек көрсету .

Онкүндік аясында 2-7 сыныптар аралығында «Мейірімділік –асыл қасиет», «Өнеге-отбасынан», «Кәусар бұлақ тұнығынан», «Қызығы толы бұл әлем» тақырыбында танымдық сабақтар, ашық сабақтар өткізілді.

12 ақпан күні «Өзін-өзі тану: Махаббат пен Сүйіспеншілік  педагогикасы» онкүндігінің қорытынды шарасы ретінде «Өзін- өзі тану» пәнінің негізгі авторы, «Бөбек» қорының негізін қалаушы Қазақстанның бірінші ханымы, мейірім мен ізгіліктің символы, ел анасы Сара Алпысқызы Назарбаеваның 12 ақпан туған күніне орай «Махаббат бар жерде ғана- өмір бар» атты концерттік бағдарлама ұйымдастырылды.

Мектеп директоры Р.Б.Турлин  құттықтау сөз сөйлей отырып,онкүндікті қортындылап, жоспарға сай өткен шараларда белсенділікпен қатынасып, өз шығармашылықтарымен танылған оқушыларды грамотамен марапаттады.

«Өзін-өзі тану: Махаббат пен Сүйіспеншілік педагогикасы» өскелең ұрпаққа

берген білімімізбен тәрбиеміз, келешекте еліміздің өркендеп өсуі мен дамуына ықпал жасасын. Мектебімізде әлі де осындай игі істер жалғасын табады.

пәні оқулығының авторы С.А.Назарбаеваның 12 ақпан туған күніне орай

«Сүйіспеншілік -өмірді негізі» атты онкүндік ұйымдастырылды.

Онкүндік жоспары жасалып, іс-шаралар өткізілді . Онкүндік жоспарына сай барлық іс-шараларға оқушылар атсалыса қатысты.

Іс-шаралар аясында оқушылардың сүйіспеншілік жалпыадамзаттық құндылығы туралы түсініктерін "қоғамға қызмет етудің" мәні мен мағынасын ашу арқылы кеңейту.

«Өзін-өзі тану» пәні бойынша өткізілетін

онкүндіктің жұмыс жоспары

(С.А.Назарбаеваның 12 ақпан туған күніне орай өткізіледі)

"Тасарық негізгі мектебі" КММ  2019-2020 оқу жылы

17.01.2020 жылы "Тасарық негізгі мектебі" КММ-сінде «Адалдық сағаттары» біріңғай акциясы 

Адалдық сағаты барысында жастарға парасаттылықтың негізгі қағидалары жеткізіліп, қоғамда сыбайлас жемқорлыққа нөлдік төзімділікті қалыптастыруға баса назар аударылды.

Жас ұрпақтың парасаттылық қағидаларын жүзеге асыруда және таратуда, қазақстандық патриотизм рухында жеке тұлғаны тәрбиелеуде және сыбайлас жемқорлықты қабылдамаудағы маңызды рөлі атап өтілді.

Акция  барысында қатысушылар барлық сұрақтарға тыңғылықты әрі толыққанды жауаптарын алып, арнайы әзірленген бейнероликтер оқушылар назарына ұсынылды.

Еліміздің Тұңғыш Президенті, Елбасы Нұрсұлтан Әбішұлы Назарбаев жастарымызға айтылған сөзінде: «Ұлы құндылықтарды ұлықтай білу – әрбір жастың, баршамыздың жауапкершілігіміз. Патриот болу дегеніміз – өзіңнің ұлы даланың ұрпағы екеніңді мақтан ете білу. Еліңнің жарқын болашағын жасауға өз үлесіңді қосу» деген еді.

Сонымен қатар, Қазақстан Республикасының Президенті Қ.К. Тоқаев «Айқын» республикалық саяси-қоғамдық газетіне берген сұхбатында: «Жемқорлық мемлекеттің орнықты дамуына, ұлттық қауіпсіздкке қатер төндіреді. Жемқорлықпен күрес ымырасыз жүруі тиіс және бұл тек Үкіметтің ғана емес, әрбір адамның міндетіне, керек десеңіз парызына айналуы тиіс» деген еді.

Осыған орай, бүгін мектебімізде  парасатты   жастарды тәрбиелеп, қазақстандық патриотизмді қалыптастыру және жастардың бойында сыйбайлас жемқорлыққа қарсы мәдениетті қалыптастыру мақсатында орта білім беру мекемелерінде жалпыреспубликалық біріңғай «Адалдық сағаты» іс-шарасы өткізлуде, бұл жұмыстарға біз арнайы қамқоршылық кеңесінің төрайымының орынбасары да қатысты. 5,6,7-сыныптарда  "Адал ұрпақ" мүшелерімен дөңгелек үстел барысында кездесу өтті.

Тәрбие ісі жөніндегі орынбасары А.Ә.Лабанова «Адалдық сағаты" тақырыбында слайд көрсетті, түсіндірме жұмыстарын жүргізсе, тәлімгер А.Б.Рахимова жемқорлыққа қарсы  насихаттайтын жағымды бейнероликтердің көрсетілімін ұйымдастырды, аталмыш тақырып аясында оқушылар өз ойларын ортаға салды. 

Барлық іс-шараларды өткізуге тәрбие жөніндегі орынбасары, тәлімгер және сынып жетекшілер бірлесе отырып атсалысты, сыныптар да белсенділік танытты.

Үржар аудандық білім басқармасының 2019 жылғы 21 қазандағы №001- 2/7580 хатын назарға ала отырып, Қазақстан Республикасының жалпы орта білім беру ұйымдарында 2019 жылы 25 қазанда «Отбасы – тәрбие басы, мектеп - тәрбие жаршысы» атты біріңғай сынып сағаты өткізілді.

 Осыған орай  мектебімізде  Отбасы шешуші рөлін тану негізінде өскелең ұрпақты тәрбиелеу де «Рухани жаңғыру» бағдарламасын іске асыру жағдайында Тәрбиенің тұжырымдамалық негіздерінің міндеті іске асыру негізінде  жоспары жасалып, бекітілді.

25 қазан күні   «Менің отбасым» тақырыбында қабырға газеті шығарылып, онда оқушылардың отбасымен түскен суреттері  ілінді. Ең жақсы түсірілген суреттер  мадақталып, мақтау қағаздары берілді.

5,6,7-сынып жетекшілері Жаксылыкова К.Ж, Турганбаева Ф.А, Дауіт Әмина  «Менің отбасымның фотосуреттердегі тарихы» тақырыбында оқушылармен пікірсайыс және "Менің сүйікті туыстарым" фотокормесін өткізді. Кездесудің мақсаты отбасы ата-ана мен, отбасысының бала тәрбиесінде алатын орны, ата-ананың алатын орнының ерекше екенін түсіндіру, баламен дұрыс тіл табысуға, сөйлеу мәдениетін үнемі ой салу. Пікір-сайыс барысында видеоролик көрсетіліп, оқушылар отбасы деген сөзге өз ойларын айтып, сұрақтарға жауап берді.

«Отбасы – тәрбие басы, мектеп - тәрбие жаршысы» тақырыбында ашық тәрбие сағаты өткізілді.

Тәрбие сағатына 10 ата-ана, 12 оқушы қатысты. Тәрбие – отбасынан басталады, болашақ ұрпақтың еліне, Отанына деген сүйіспеншілігі алдымен ата-ананың  ықпалы мен қалыптасатынын әр ата-ана да, оқушы да өз сөздерімен еркін жеткізе білді. Тәрбие отбасынан басталатынын ескере отырып, оқушыларға отбасы туралы жан-жақты  мағлұматтар берілді.        Адам бойындағы мейірімділік, адамгершілік сезім ең алдымен туған бауырлары мен ата-анасына деген махаббаттан басталатынын оқуышыларға түсіндіру үшін қанатты сөздерді талдап, бейнекөрсетілім көрсетілді. Беріліп отырған сұрақтарға ата-аналар да, оқушылар да жүйелі түрде жеткізе білді. Оқушылар отбасы туралы өлеңдерін мәнерлеп айтып, отбасына деген мейірімін ояту үшін «Ана», «Әкешім» әндерін орындады.

Бастауыш сынып жетекшілері бірігіп «Отбасы барлығы бірге» тақырыбында ата – аналармен кездесу ұйымдастырды.
           Халқымыздың аяулы ұлы Бауыржан Момышұлы кезінде былай деп мұңайған екен: «Жаудан да, даудан да қорықпаған қазақ едім. Енді қорқынышым көбейіп жүр. Балаларын бесікке бөлемеген, бесігі жоқ елден қорқам. Немересіне ертегі айтып беретін әжелердің азабынан қорқам. Дәмді дәстүрді сыйламайтын балалар өсіп келе жатыр. Оның қолына қылыш берсе, кімді де болса, шауып тастауға даяр. Қолына кітап алмайды. Үйреніп жатқан бала жоқ, үйретіп жатқан әке-шеше жоқ» деген екен. 

Сондықтан бала тәрбиесін мектеп, ұстаз, ата-ана болып бірігіп бірге нығайту дұрыс. Отбасы мүшелер арасындағы бауырмалдық, қайырымдылық, достық қарым-қатынасты қалыптастыру, үлкенді сыйлауға, сыпайы ілтипатты болуға тәрбиелеу басты мақсатымыз. Халқымыздың сан ғасырдан белгі даналығына құлақ ассақ, «Адамның бақыты- балада» деген екен. Біреу бақытын байлықтан тапқысы келсе, екінші біреуі данқпен, атақтан, мансаптан, қызметтен іздестіреді. Адамға нағыз бақытты тәрбиелі ұрпағы ғана сыйлай алады. «Адам ұрпағымен мың жасайды» деген сөз тегін айтылмаса керек.